السلام عليكم و رحمة الله و بركاته.
أنا طالب حصلت على الثانوية العامة هذه السنة 2008 و طبعا زي ما انتوا عارفين الامتحانات كانت زي الزفت و كانت اسوأ امتحانات في تاريخ الثانوية العامة خصوصا على شعبة الرياضيات"الشعبة الهندسية" او علمي رياضة اللي انا منها.
مجموعي88%
و طبعا ملحقش اي كلية هندسة في الجمهورية.
و جتلي كلية علوم.. أنا اصلا كان نفسي في كلية الهندسة جدا و لغاية دلوقتي.
العلوم مش وحشة لانها في نفس العلوم اللي بتدرس في كلية الهندسة لكن مع الاسف المحتوى العلمي اللي يؤهل للعمل موجود اكثر في كلية الهندسة يعني كلية الهندسة بيركزا على الجانب اللي له علاقة بالحياة العملية.
لكن علوم بتدرس كل المواد لكن بطريقة تجعل طالب الهندسة طبعا مقدم عليك في معظم مجالات العمل الا بعض المجالات القليلة التي يطلب فيها خريج العلوم دون الهندسة يعني من الاخر كلية العلوم كلية بحث علمي و دراسات عليا اكثر منها كلية تؤهل للعمل بالمهن المختلفة.
المهم..
أنا كنت عايز اسألكم و ارجوكم محدش يبخل عليا بالمعلومة.
مفيش اي طريقة اقدر ادخل بيها كلية الهندسة في اي جامعة حكومية في مصر؟
أنا في ناس قالولي على حكاية المعهد الفني الصناعي.
و في نفس الوقت في ناس حذروني و قالولي انه مش مضمون و لو مجبتش التقدير المطلوب هبقى خسرت الكلية اللي جتلي اللي كانت هتديلي مؤهل عالي بدل مؤهل فوق المتوسط بتاع المعهد.
و في ناس بتقول ان كليات الهندسة بتحط عقبات قدام الطلبة بتوع المعهد و الدبلومات عموما عشان تعوق دخولهم الكلية.
فأنا مش عارف اعمل ايه و انا عارف ان كلامي ده ممكن يكون متأخر لأن الدراسة هتبتدي خلاص.
و هل لو انا مثلا قررت احول للمعهد ده .. هيقولولي مينفعش عشان انت مكتبتهاش في الرغبات؟
أرجوكم يا جماعة قولولي اعمل ايه؟

مفيش حد بيدخل ليه يا جماعة..
ارجوكم تفيدوني

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

انا من محافظة الاسكندرية

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

يعني تنصحني بايه .. انا الماسنجر بتاعي fox.power ياهوو

حاول تصلي صلاة استخارة وتشوف ربنا هيوفقك لايه لان محدش يعرف الخير فين بس اكيد اللي ربنا هييسرهولك هو اللي هيبقى فيه الخير .

__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

يا جماعة عايز ناس اكتر تدخل ..
انا لازم اخرج من العيد واخد قراري مفيش وقت.

يا جماعة ساعدوني مفيش وقت ده اذا مكانش التقديم في المعهد اصلا خلص.
عايزكم تنصحوني في الموضوع ده.

ميدو كلية علوم اسكندرية من أفضل الكليات الموجودة في مصر عل مستوى كليات العلوم ، لكن لازم يكون عندك إقتناع إن ربنا كتبلك الخير فيها ، ادخلها وتوكل علي الله وربنا يوفقك فيها ، وبلاش موضوع المعاهد الفنية لأن الدراسة فيها مش زى ما انت فاهم انت ممكن خلال سنتين تتحول لشخصية تانية خالص وساعتها يبقي ضيعت العلوم و الهندسة ، العلوم دى أصل الكليات العملي في مصر ، بس هي مش أخده حقها في مصر لأن محدش فاهم ، توكل علي الله وكمل دراسة العلوم وربنا معاك.